Safdar Mirza, My personal blog

Urdu – Garam Raitoon kay Saraboo ko Samandar Jaana

گرم ریتوں کو سرابوں کو سمندر جانا            ڈاکٹر محمد افضل شاہد

گرم  ریتوں  کو   سرابوں  کو  سمندر  جانا
آنکھ  جو  دیکھ  سکی  وہ   ہی  مقدّر  جانا

تجربہ  ایک    سزا  ہے  کہ  سِکھا  دیتا  ہے
بعد  میں جو  بھی  کِیا  پہلے  سے بہتر جانا

ہائے    ظالم    کہ  رہائی    نہ    ہماری   مانے
عین  پرواز   میں  توڑا   جسے  شہپر  جانا

چوٹ  پہ  چوٹ  لگاتے ہیں مزے لے لے کر
آپ  تو  تھے  ہی ہمیں بھی کوئی پتھّر جانا

بدنصیبی  کی بھلا اِس سے بڑی کیا ہو مِثال
لُوٹنے  والوں  کو  ہی  قوم  نے   رہبر  جانا

لاکھ  ڈُھونڈا ہے جِسے ہر جگہ اور پا نہ سکا
جب  کہیں  بھی  نہ  مِلا اپنے ہی اندر جانا

میں  بھی  اِنسان  تھا مسجودِ ملائک شاہد
آج   اِنسان    کو   اِنسان   سے   برتر   جانا

One Response to Urdu – Garam Raitoon kay Saraboo ko Samandar Jaana

Leave a Reply

Your email address will not be published. Required fields are marked *